CAGAYAN DE ORO CITY, Philippines – Patay nang narescue ang usa ka 62 anyos nga tigulang, dihang nakita kining naglutaw sa suba sa Brgy. 23, Gingoog City, Misamis Oriental ganina sa buntag.
Ang biktima giila nga si Raul Magallan Alerta, Barangay Kapitan sa Brgy 24-4 sa Purok 7, Gingoog City.
Wala pay lead ang mga otoridad sa hinungdan sa pagkamatay sa biktima, kinsa naila usab nga sakop sa Knights of Columbus sa parokya sa maong lugar.
Bukas ang Bombo Radyo sa pamahayag nga ipalugwa sa nahibiling pamilya sa biktima, ilabe na ang pagsuta sa matood nga hinungdan sa kamatayon sa kapitan.
