CAGAYAN DE ORO CITY – (update) Wala pay lead ang mga otoridad kung unsa ang motibo sa pagpatay kang Napaliran Brgy Chairman Claver Miral sa lungsod sa Balingasag,Misamis Oriental.
Sa interbyu sa Bombo Radyo kang Police Captain Ismael Virgel Gundaya, hepe sa Balingasag Municipal Police Station, iyang gibutyag nga nakasumbong pa si Miral kung pila ka lalaki ang mipusil kaniya samtang nagkadugo nga gibiyaan sa crime scene sa mga suspek sa utlanang bahin sa lungsod sa Jasaan ug Balingasag sa lalawigan.
Miingon si Gundaya nga sa wala pa maputol ang kinabuhi sa kapitan misulti pa kini nga nakamotorsiklo ang duha ka lalaki nga miluthang kanila.
Paspas nga nadala sa hospital ang samaran nga barangay kapitan human dunay police patrol nga miduol miagi sa dalan diin kini nagbuy-od.
Una kining gidala sa Balingasag Provincial Hospital apan nagkulang kini sa ekipo sa opera sa biktima hinungdan nga milanding pa kini sa CUMC sa Barangay Gusa nin syudad.
Pipila ka oras gikan sa iyang paglanding sa ospital nabugtuan sa kinabuhi si Miral.
Base sa inisyal nga imbestigasyon lima ka igo pinusilan ang mibuslot sa lawas sa biktima gamit ang 9mm pistol.
Narekober usab sa crime scene sa Punta Gorda, Balingasag ang tolo ka empty shells sa maong armas.
Gisupak ni Gundaya ang gibutyag sa kapikas ni Miral nga mitampo kini’g birthday party tungod kay nakasugilon pa ang bikitma sa kapolisan nga gikan siya nakigtagbo sa iyang first degree cousin nga si Estrella Santua.
Kabahin sa yuta ang ilang gihisgutan atol sa ilang pagtagbo.
