Gipasabot ni ABC Liga ng mga Barangay President Kapitan Marlo Tabac, nga dako kaayo ang papel sa barangay LGU ug sa Barangay Council for the Protection of Children (BCPC) sa paghatag og pagtagad sa mga menor de edad nga nalambigit sa krimen o anaa sa risgo.
Subay sa iyang pamahayag, kinahanglan nga kanunay susihon ang mga rekord aron mahibaloan ang nahimutangan sa mga bata nga giila isip Children in Conflict with the Law (CICL) ug Children at Risk.
Dugang pa niya, pinaagi niini nga pag-profile, masayran sa mga eskwelahan kung kinsa kini nga mga bata aron mahatagan sila og igong atiman sa mga magtutudlo.
Ingon ni Tabac, importante kini nga lakang tungod kay ang mga bata nga nalambigit sa maong mga sitwasyon dali ra nga mabalda sa mga dili maayong binuang.
Tungod niini, nanawagan siya sa pagpatuman og saktong monitoring ug intervention aron matabangan ang maong mga bata nga malayo sa dautang impluwensya.
