Gipasalig ni Nazareth Punong Barangay Atty. Regine Rodriguez ang walay hunong nga paghatag og tabang sa mga pamilyang nabiktima sa sunog sa 9th-21st Street nga mikalas og duha ka kinabuhi niadtong miaging adlaw.
Gipahayag sa kapitana nga ihatag sa lokal nga kagamhanan ang tanang gikinahanglang suporta gikan sa Quick Response Fund, personal nga pondo, ug gikan sa buhatan ni Congressman Rufus Rodriguez.
Gitin-aw ni Rodriguez nga gawas sa pag-atiman sa libreng autopsy sa duha ka nakatala nga lawas, mutabang usab ang barangay council sa tanang kinahanglanon hangtod sa pagbalhin sa mga biktima sa gipiling funeral parlor.
Dugang pa sa opisyal, magpabilin ang buhatan nga magmonitor ug maghatag og seguridad alang sa tanang pamilyang nawad-an og panimalay taliwala sa nasagubang nga trahedya.
