Gipaubos na sa state of calamity ang St. John area sa Barangay Puntod aron mapaspasan ang emergency response ug paghatag og tabang sa mga apektadong residente sa natigayong sunog sa miaging Lunes.
Sa interbyu ni Barangay Puntod Kapitan Alexis Dacer sa Bombo Radyo, iyang giingon nga ang maong deklarasyon adunay tumong sa dali nga pagproseso sa ayuda ug paghatag og kahupayan sa mga biktima sa sunog.
Giingon niya nga pinaagi niini, mas mapadali ang paglihok sa pondo ug mga suporta alang sa mga pamilya nga naapektuhan.
Dugang pa sa kapitan, temporaryo nga mahimutang sa evacuation centers ang mga biktima samtang palapdan ang agianan sa Bitan‑ag Creek.
Sa karon, padayon ang koordinasyon sa barangay, lokal nga panggamhanan ug mga ahensya aron masiguro ang hapsay nga pag‑atiman sa mga evacuees.
Hisayrang sa Barangay Puntod adunay 203 ka pamilya ug kapin 700 ka indibidwal nga giatiman karon sa North City Central School.
Gikonperma usab sa kapitan nga usa ka residente sa barangay ang natala nga casualty sa maong sunog, base sa report nga giatake kini sa panahon sa insidente.
