CAGAYAN DE ORO CITY – Gitulisok sa grupong Bantay Bigas ang daw pagpasagad sa gobierno sa naghinobrang kabarato sa presyuhan sa palit sa mga palay gikan sa mga mag-uuma sa nasud.
Kini human anaa na lang sa 14 hangtod 16 pesos ang kada-kilo sa naani nga palay nga mipasamot pagduot ngadto sa mga mag-uuma epekto sa walay tinud-anay nga pagpakabana sa kagamhanan sa kahimtang sa daghang mga mag-uuma.
Miingon si Bantay Bigas spokesperson Cathy Estavillo nga angayang mapatong unta sa 23 pesos kada-kilo ang palit sa mga palay aron makabawi ang mga mag-uuma ug direkta kining palit sa Department of Agriculture o DA.
Hisayrang tungod sa kaubos sa pinalitay sa mga kinilong palay,nahugno usab ang kahago ug kapital sa mga ordinaryong mga mag-uuma palibot sa nasud.
