Gipadayag ni Prosecution Spokesperson Robert Ace Barbers nga maglisud gayud sa pagtubag sa mga ebidensyang napresenta sa prosekusyon sa impeachment court ang kampo sa depensa ni Vice President Sara Duterte.
Matud ni Barbers, maglisud sa pagtubag ang kampo sa depensa tungod sa kalig-on sa ebidensya nga napresenta sa prosekusyon, diin nagagikan ug gipirmahan mismo kini sa Bise Presidente, sama sa SALN niini ug tala gikan sa Securities and Exchange Commission (SEC).
Dugang ni Barbers, lisud alang sa kampo sa depensa ang pagsupak o pag-ingon nga walay kamatuoran ang mga ebidensya sa prosekusyon tungod kay nagagikan mismo sa ilaha ang maong mga dokumento.
Dugtong niini, gipadayag usab sa tigpamaba ang iyang hugot nga pagtuo nga balibaran lamang sa Presiding Officer o impeachment court kung muhangyo ang depensa nga balewalaon o dili na ilakip ang ebidensyang gipresenta sa prosekusyon tungod kay dunay kamatuoran ug dili lamang tumo-tumo ang maong mga ebidensya. (raniel mahunyag)
