Gibasol sa grupong Freedom Flotilla Coalition (FFC) ang gobyerno sa Israel nga maoy mitira sa ilang barko nga nagdala sa humanitarian aid padulong sa Gaza.
Sa miaging adlaw, gireport sa FFC nga naigo sa drones ang ilang cargo vessel samtang anaa duol sa international waters sa Malta.
Gikondinar sa kowalisyon ang nasampit nga drone attack ilabe nga gi-organisar ang ilang kalihukan aron mupadangat sa tabang sa biktima sa gubat sa Gaza.
Hisayran nga gumikan sa drone strike nasunog ang hull sa barko ug nabutang sa dakung peligro ang kinabuhi sa 12 crew, 31 ka aktibista ug kargamento nga sakay niini.
Gipanguluhan ang barko sa iladong aktibista nga si Greta Thinberg.
Wala pa mihatag komento ang Israel sa pasangil sa grupo.
