Nagpadayon ang search and rescue (SAR) operation sa Coast Guard District Southeastern Mindanao (CGDSEM) alang sa onse ka pasahero ug upat (4) ka crew members nga giingong naunlod samtang sakay sa usa ka recreational motorbanca (MBCA AMEJARA), niadtong Enero 19, 2026.
Namahayag si CGS Davao Occidental Station Commander LT Regino F. Libres, nga migamit na sila sa mga assets sa PCG sama sa BRP Panglao (FPB 2402) gikan sa General Santos City ug BRP Malamawi (FPB-2403) inubanan sa duha ka mga helicopters sa security forces.
Hinuon, positibo si Libres nga maluwas ra nila ang tanan na missing ug ma-rescue pinaagi sa pakigkoordinar sa mga kasikbit nga mga PCG stations ug sub-stations.
