CAGAYAN DE ORO CITY – Gipaniguro sa Armadong Kusog sa Nasud nga panalipdan ang kredibilidad sa pinakaunang parliamentary elections sa Bangsamoro Autonomous Region in Muslim Mindanao (BARMM) sa Oktobre 13 tuiga.
Gihimo ni Philippine Army spokesrson Col. Louie Dema-ala ang pasalig nunot sa gibutyag ni Comelec chairman George Garcia nga 95 porsiento na sila nga andam sa paglusad sa maong piliay.
Gibutyag ni Dema-ala nga anaa na sila’y gitagana nga puwersa aron tabangan si BARMM regional director Brig Gen Jaysen De Guzman sa igong seguridad nga gikinahanglan sa Comelec mismo sa kampanya hangtod sa pagtibawas sa eleksyon.
Kasamtangang gipaubos na sa gun ban ang rehiyon samtang gipangandaman sa state forces ang campaign period gikan Agosto 28 hangtod Oktobre 11.
