Gisaway sa kanhi presidente sa Philippine Association of Law Schools nga si Atty. Teodoro Pastrana ang house prosecutor ug kapwa dekano nga si Chel Diokno kalabot sa baruganan niini sa impeachment court.
Gipasabot ni Pastrana nga mali ang baruganan ni Diokno nga kinahanglang maghulat pa og pinal nga kadaot o desisyon sa dili pa makapatabang sa Korte Suprema ang kampo sa Bise Presidente batok sa gihulagway nga unconstitutional nga proseso.
Matud pa sa abogado, dakong katungod ubos sa Konstitusyon ug kabahin sa due process ang pagpaabot nga inosente ang usa ka tawo samtang wala pa mapamatud-an ang giingong sala sa pormal nga pagsubay sa balaod.
Dugang pa sa abogado, nakapahibulong nga dali ra kaayong gipanglimud ang batakang baruganan sa legal nga proseso nga dugay na nilang gitudlo ngadto sa mga estudyante pa lang sa unang tuig sa law school.
