Gipukaw karon ang dakong kabalaka ug pagduda sa kaangayan sa impeachment trial batok kay Bise Presidente Sara Duterte tungod sa gidahom nga pagdapig sa kadaghanan sa mga senador ug sa mga giimbitar nga legal luminaries sa komite.
Gipasabot ni Liceo de Cagayan University College of Law Atty. Samson So Tan nga tungod kay kadaghanan sa mga senador kay tigpaluyo sa administrasyon, dili na malikayan ang pagbati sa publiko nga adunay gidapigan ang proseso.
Tungod niini, gipili sa maong abogado nga dili na maghatag og komento bahin sa upat ka mga legal luminaries nga gidapit sa Senado aron mapabilin ang iyang pagka-walay dapig sa maong isyu.
Apan gipahinumdoman ni Tan ang tanan nga hulaton na lamang ang ipagawas nga opinyon sa maong mga eksperto sanglit ang ilang kaugalingong pamahayag ang magpamatuod sa ilang matuod nga baruganan.
