CAGAYAN DE ORO CITY – Direktang giangkon ni Davao City Mayor Sebastian ‘Baste’ Duterte nga nagsilbi kining ‘leftist’ sa ubos sa pagdumala ni Pres Bongbong Marcos sa nasud.
Kini ang iyang tubag batok sa akusasyon nga sakop siya sa kalihukang walhon atol sa pagtambong sa Hakbang Maisug Rally sa gym sa Brgy Agusan ning syudad kagabii.
Miingon si Duterte nga sa iyang pagsilbing leftist,wala kini nagpasabot nga kuyog na siya sa CPP-NPA apan dapig siya sa katawhan ug gikontra ang mga hiwi nga patakaran sa gobierno ni Marcos.
Napadpad sila sa brgy gymnasium kay wala hatagi’g permit sa city hall aron sa Divisoria nila himoon ang ilang peaceful rally kay nahadlok initan sa Malakanyang.
Hisayrang ang Hakbang Maisug nagtangag sa katuyuan nga Transparency;Accountability;Peace ug Security.
