Wala kalikayi sa kanhi presidential son nga si Davao City Mayor Sebastian ‘Baste’ Duterte nga magduda nga hayan ipapatay ang ilang edaran nga amahan nga si kanhi Pres Rodrigo Duterte.
Kini tungod sa iyang nakita sa sitwasyon nga daw gusto ipadugay sa gobierno ang krisis gamit si PNP-CIDG chief Gen Nicholas Torre III aron mas maalanganin ang sitwasyon sa kanhi presidente.
Apan siya miingon nga dili molampos si administrasyon ni Pres Bongbong Marcos nga gigamit ang maong isyu sa pamasin nga malimtan sa katawhan ang mga dagkong iskandalo nga giatubang sa iyang liderato.
Kini naglakip sa isyu sa legalidad sa 2025 General Appropriations Act diin gidala sa mga abogado sa mga Duterte sa Korte Suprema.
Kini tungod kay nadiskobre nga daghan ang blangko sa maong nasudnong pondo bisan giagi na sa bicameral committee conference apan wala masulbad ug hinoon nasulatan na pag-abot sa lamesa ni Marcos.
Hisayrang kabahin si Baste nga misaway sa liderato ni Marcos Jr ug subli gibalikan ang pagkawalay utang kabubut-on ngadto sa katawhan nga hingpit natugtan ang pagpalubong sa ilang amahan nga si late Pres. Ferdinand Marcos Sr nga daghang kanhi nga mga pangulo ang wala nangahas pagbuhat niini.
