Tungod sa kapakyasan nga makabalik sa Pilipinas si kanhi Presidente Rodrigo Duterte, ang iyang anak nga si Sebastian “Baste” Duterte ang hingpit nga giposte isip bag-ong Mayor sa Davao City.
Niadtong Mayo 2025 nga piliay, ang amahan ni Baste maoy midaug nga mayor apan, dili makapadayon sa iyang katungdanan tungod sa pagsikop kaniya, ug gidetenir sa International Criminal Court (ICC), sa The Hague Netherlands tungod sa kasong Crimes Againsts Humanity.
Ning adlawa, namumpa na si Baste isip Amahan sa Davao, samtang ang mipuli sa iyang posisyon sa pagka-bise Mayor mao ang iyang pag-umangkon nga si Rodrigo “Rigo” Duterte II, kinsa first kagawad sa konseho sa Davao.
Silang duruha, pormal nga giproklamar sa ilang bag-ong posisyon pinaagi ni RTC-XI Deputy Executive Judge Marie Estrellita S. Tolentino-Rojas.
