CAGAYAN DE ORO CITY – Muhimo sa simple nga seremonial activity ang Mindanao International Container Port, kuyog ang LGU sa Tagoloan, Misamis Oriental sa dili pa ibiyahe ang barko nga gi-arkila sa South Korean Government sa port of Tagoloan.
Gibutyag ni MICT port collector John Simon nga daku ang iyang pagpasalamat sa Bombo Radyo nga wala mibiya sa pagpanawagan sa kompanyang Verde Soko nga mahimong responsable sa ilang mga basura hangtud sa nataral sa hukaman ang pipila sa ilang mga kadagkuan.
Gawas niini, gitakda sab nga ilhon sa Bureau of Customs ang pinansyal nga ayudad nga gibubo sa buhatan ni Misamis Oriental Governor Bambi Emano, ilabe na sa paghatag sa mga bags para sa repacking sa mga nagkatag nga basura sulod sa pasilidad sa kontrobersyal nga kompanya.
Wala pay labot niini ang nagasto sa gobyerno para ibayad sa man power nga maoy mi-repak ug mihakot sa mga basura sulod sa mga container vans.
Kung mahinumduman, personal nga miangkon si Verde Soko Presidente Niel Alburo nga nabangkarote na ang ilang kompanya sukad nga nalambigit ang ilang kompanya sa kontrobersyal nga paggama sa mga plastic wares gamit ang e-waste sa ubang kanasuran.
