CAGAYAN DE ORO CITY – Isaka na sa city jail ang basurero nga akusado sa pagpatay sa tomboy nga nakit-ang gihulog sa septic tank sa Tamparong Compound,Brgy Puntod ning syudad.
Kini human nakit-an sa piskalya nga may gimbug-aton ang kasong murder ug illegal possession of bleaded weapon batok kang Daniel Bagobaldo nga nagpuyo sa maong lugar.
Miingon si Macabalan Police Station commander Police Capt Jack Llaneta nga gihulat usab nila ang resulta sa otopsiya sa SOCO diin tuyo nila ma-establisar kon gilugos ni Bagobaldo ang biktima nga si Rachel Manahan nga nawala niadtong Hulyo 22 sa gabii.
Nasayran nga giangkon sa suspek nga nahinaykan niya pagpatay ang biktima apan gihimakak usab niini nga iyang nalugos ayha gipatay ug gisulod sa sako.
