CAGAYAN DE ORO CITY-Patay ang batang lalaki human makuryentehe samtang naligo sa sapa diha sa Sitio Pilakob,Brgy Pagatpat sa syudad kagahapon sa hapon.
Giila ang biktima nga si Christian Jay Gamit ug nagpuyo sa maong lugar.
Sumala sa inahan nga si Victoria Gamit nga natumban sa iyang anak ang live wire sa Moresco Uno samtang naligo sa sapa kuyog ang higala niini hinungdan nga nakuryentehan.
Giingong nagdula-dula ang biktima sa dihang disgrasyang natumban ang buhi nga linya sa koryente atol usab sa pagbundak sa ulan kagahapong adlawa.
Dugtong niini,gikasubo sa kadagkuan sa Moresco 1 ang nahitabo ug andam pag-abag sa pagpahiluna sa biktima.
