CAGAYAN DE ORO CITY- Nabalhog na sa bilangguan ang amahan nga nang-hostage sa iyang 7 anyos nga anak diha sa Kalye Apiki,Brgy Bugo sa syudad sukad pa kagahapon sa hapon ug nahuman kaganihang kadlawon.
Giila ang suspek nga si Richard Roque nga giingong may depekto sa pangutok tungod sa sobrang kaguol ug paggamit sa gidiling droga.
Nasikop si Roque human sudla sa nasamdan sa kutsilyo nga si City Intelligence Unit head C/Insp Ariel Philip Pontillas ang kuwarto diin naluwas ang bata nga si Raffy Roque.
Si Roque ang gibulagan sa kapikas tungod sa sobra ka seloso ug pagpangulata sa miaging katuigan.
Samtang nag-komedya lamang si Richard Roque sa pagpang-hostage sa iyang anak nga si Raffy Roque sulod sa ilang pinuy-anan diha sa Kalye Apiki,Brgy Bugo sa syudad.
Giangkon ni Roque nga miagi siya sa suliran hinungdan nga may mga panahon nga moatake ang iyang sakit.
Gipasalig usab ni Roque nga andam kining magpabilanggo tungod sa iyang gihimo apan sa kondisyon nga dili siya pasakitan sulod sa prisohan.
Hisayrang 18 ka oras nga gi-hostage sa suspek ang iyang anak.
