(Update) CAGAYAN DE ORO CITY- Nakit-an na ang bata nga unang gikawat sa wala mailang suspek gikan sa kaugalingon nga inahan niini samtang gihimugso sa Puericulture Center sa Brgy 16 sa Gingoog City,Misamis Oriental.
Kini human unang nabangalan sa magtiayon ang maong bata nga gibilin sa payag sa wala mailang suspetsadong babaye.
Miingn si Gingoog City Police Station commander Lt Col Ariel Philip Pontillas nga nahimong paspas ang pagkakita sa bata tungod sa walay hunong nga pagpangita sa suspek nga mikawat niini gikan sa inahan nga si Marichu Tolorio Villegas nga nagpuyo sa maong lugar.
Dugang ni Pontillas nga mag-atubang sa kasong kidnapping ang suspek nga unang nakit-an nga nagsul-ob sa face mask, black jacket, brown short pants, short hair ug anaa sa dili mominus sa 5’5″ ang gintas-on.
Una nang nagtanyag sa kantidad 15-mil pesos nga pahalipay ang kagamhanan sa Gingoog City ngadto sa makakita o makatudlo sa suspek nga nagdala sa bata nga unang gihimugso niadtong Agosto 30 ning tuiga.
Gikasubo pag-ayo nila ni Gingoog City Mayor Erick Cañosa ug Vice Mayor Peter Unabia ang hitabo hinungdan gitahasan si Pontillas nga masulbad sa labing dali nga panahon ang maong kidnapping case.
