CAGAYAN DE ORO CITY – Mitala na ang Department of Health – Northern Mindanao sa usa ka biktima sa “firecracker related injury” niadtong adlaw sa Pasko.
Sa tolomanong Good Morning Philippines, gibutyag ni Dr. Tristan Labitad – medical officer III ug non-communicable disease cluster head sa DoH-10, nga usa ka 2-anyos nga batang lalaki ang samdan sa tuo nga kamot tungod sa piccolo.
Wala pa masuta sa ahensya kung kinsa ang nagpabuto sa piccolo ug hain kini napalit.
Dumduman nga base sa nakalatid sa Executive Order No. 28 ni Presidente Rodrigo Duterte, usa ang piccolo sa “prohibited” o gidili ipamaligya nga pabuto kay delikado kini sa kahimtang sa panglawas sa tawo.
