Giklaro ni Sangguniang Panlalawigan Committee on Finance Chairman Romel Maslog nga dili maapektohan ang mga batakang serbisyo sa lalawigan bisan pa man sa wala pa ma-proseso nga corrective measures sa 2026 budget.
Gitin-aw sa opisyal nga ang mga operasyon sa ospital, pagpalit og tambal, ug tanang social services kay giila isip essential expenses nga padayong adunay pondo ug dili pwedeng ipaundang.
Gipadayag usab niini nga kadto lamang mga bag-ong proyekto ug kontrata nga wala pa masugdi ang gidili sa balaod samtang nagpabilin ang lalawigan sa re-enacted budget.
Gumikan niini, gipasalig sa komite nga padayon nilang pangitaan og paagi nga magpabilin ang mga panginahanglanon sa katawhan samtang ginatutokan ang pagsulbad sa maong isyu sa DBM.
