CAGAYAN DE ORO CITY-Kasub-anan ang nagpasulabi sa pamilya sa menor de edad nga trabahante sa usa ka resort sa Brgy Calaanan ning syudad.
Kini human naghikog-patay ang biktima nga si Louie John Pagbao, 16 anyos nga lumad taga-Talakag, Bukidnon.
Gibutyag sa igsoon niini nga si Ian Mar Pacbao nga namaymayan niya ang biktima kon nganong kalit nawala ang salapi balor usa ka libo ka pesos.
Nasuko ang biktima hinungdan nga hilom naghikot sa liog gamit ang tie wire sa gawas sa cottage diin patay na kining nadiskobre.
Kumbinsido ang pamilya nga walay foul play sa kamatayon sa biktima nga gilayong gidala sa punerarya sa Bulua sa syudad.
