CAGAYAN DE ORO CITY-Dead on arrival nga nadala sa CDRRMD ang ulitawo nga gitoohang nalumos samtang naligo sa falls sa FS Catanico,Brgy Cugman sa syudad kagahapong adlawa.
Giila ni CDRRMD head Allan Porcadilla ang biktima nga si Clint Jericho Taruc,20 anyos nga nagpuyo sa Malasag,Brgy Cugman sa syudad.
Naglutaw na nga na-respondehan sa rescue team ang biktima diin gilayong gidala sa ospital sa Brgy Gusa ning syudad.
Apan patay nang nahiling sa mga doktor hinungdan nga gi-pull out na lamang kini gidala sa tagtungod aron mahatagan sa pormal nga haya.
Nasayran nga sa miaging semana,anaa sa tulo ka menor de edad ang nangalumos-patay samtang nangaligo sa suba ug swimming pool sa magkalahing lugar ning syudad.
