Giklaro ni Stella Ferrarez, usa ka mental health advocate ug consultant, nga bisan adunay punto ang pahayag ni Senador Robinhood Padilla nga mas huyang kuno ang mga batan-on karon kumpara kaniadto, dili angay nga i-generalize ang maong isyu.Sa iyang interbyu sa Bombo Radyo, giingon ni Ferrarez nga adunay mga datos nga nagpakita sa pagsaka sa kaso sa depression ug suicide, apan dili kini igo nga basihan aron ikumpara dayon ang duha ka henerasyon.Matod pa niya, lahi ang kalibotan nga giatubang sa kabatan-onan karon tungod kay sila natawo nga exposed na sa teknolohiya ug paspas nga ebolusyon sa katilingban.Gipasabot ni Ferrarez nga dili sala sa bag-ong henerasyon kung sila gipadako sa mas sayon nga kahimtangan pinaagi sa mga advancement sa teknolohiya.Busa, kung makasinati man sila og kalisod, dili pasabot nga huyang sila, kondili lahi lamang ang ilang konteksto ug kahimtangan.Nag-awhag si Ferrarez sa mas lawom nga pagsabot ug suporta sa mental health sa kabatan-onan imbes nga ikumpara sila sa nangaging mga henerasyon. (James Oliver)
