CAGAYAN DE ORO CITY – Walay nakitang foul play ang kapolisan sa pagkamatay sa usa ka batan-ong lalaki diha sa Zone 2-C, Casinglot, Tagoloan, Misamis Oriental kagahapong adlawa.
Gi-ila sa kapolisan ang biktima nga si Ryan Gadaga, 18-anyos, ulitawo ug molupyo sa nasampit nga lugar.
Nakaplagan na lamang ang biktima nga nagbitay sa punuan sa kahoy duol sa kapilya ug wala nay kinabuhi.
Nagpakatay kini pinaagi sa paghikot sa ‘jogging pants’ sa iyang li-og.
Namahayag si Police Staff Sgt. Charlie Cabaltera, imbestigador sa Tagoloan Police Station nga migawas sa ilang inisyal nga imbestigasyon nga nahi-ubos ang biktima human siya kasab-i sa iyang magulang nga babaye tungod sa paghubog-hubog nga misangpot sa paghikog niini.
