CAGAYAN DE ORO CITY – Patay ang usa ka batan-on samtang kritikal ang kauban niini dihang gidunggab sa kainom sa Brgy Molugan El Salvador City, Misamis Oriental.
Giila ni Police Lt. Col. Randy Anito, hepe sa El Salvador PNP ang mga biktima nga sila Romiel Podadera, dead on arrival sa ospital tungod sa daghang dinunggaban ug si John Glen Lumocso, 19 anyos, kinsa kritikal pa ang kondisyon tungod sa pagdunggab sa iyang lawas ug milahos sa iyang bukod.
Miingon si Anito nga padayon nilang gipangita ang misibat nga suspek nga si John Vincent Palma kinsa midunggab sa mga biktima.
Una niini, nakig-inom ang suspek sa mga biktima.
Wala damha sa mga biktima nga mamikil ang suspek kanila ug ila kining gitabangan ug kulata.
Wala damha sa mga biktima nga nagdala sa kutsilyo ang suspek, hinungdan nga nanimalos kini.
