CAGAYAN DE ORO CITY – Kasub-anan ang mitigbabaw sa pamilya epekto sa kamatayon sa Indian national nga nalambigit sa dugu-ong aksidente sa highway sa Brgy Solana,Jasaan,Misamis Oriental.
Sa pasiunang imbestigasyon sa Jasaan Police Station nga nakaabot sa lamesa ni Misamis Oriental Police Provincial Director Col. Wilbur Salaguste nga gikan pa sa Butuan City ang 31 anyos nga langyaw nga nagmaneho sa L300 van dihang gikasungag ang Elf-truck pag-abot sa Jasaan.
Gitoohan sa inisyal nga imbestigasyon nga nakatagpilaw ang biktima hinungdan nga nabanggaan niini ang elf nga naningkamot unta paglikay aron walay disgrasya.
Nahiagom sa mga samad sa ulo ug grabeng pagkabili sa mga tiil ang biktima rason sa kamatayon niini.
Kasamtangang detinado ang elf truck driver samtang gihikay ang tukmang kaso.
