CAGAYAN DE ORO CITY-Gitutukan sa kapolisan ang duha ka anggulo sa paghikog-patay sa usa ka 16 anyos nga lalaki sa Brgy Calaanan ning syudad kagahapong adlawa.
Giila ni SPO3 Camaloding Macmac ang biktima sa alyas “El Rich” diin pisi ang gigamit sa iyang paghikog.
Unang milugwa ang report nga selos ang hinungdan sa pagpakamatay sa batan-an human masayran nga may laing uyab ang iyang menor-de-edad nga kapuyo.
Duda usab ang mga imbestigador nga gikan sa dinaug-daug ug broken family ang bata diin kanunay kining abugon sa iyang mga ginikanan ug dili papuy-on sa ilang balay.
Hisayran nga milanding pa sa J.R. Borja City Hospital ang biktima apan gi-deklara kining dead on arrival.
