CAGAYAN DE ORO CITY, Philippines – Girekomendar na sa Provincial Disaster Risk Reduction and Management Council (PDRRMC) sa Batanes ang pagpa-ilawom sa tibook probinsya sa state of Calamity.
Ugmang adlawa, laumang mupagawas sa deklarasyon ang Sangguniang Panlalawigan sa Batanes, epekto sa lapad nga kadaut nga dala sa Severe Tropical Storm Julian.
Namahayag si PDRRM Officer Liz Cabitac nga napasa na sa ilang buhatan ang rapid damage and needs assessment (DANA) Report nga maoy basihanan sa deklarasyon.
Subay sa report, unom ka mga munisipalidad ang grabeng gikuso kuso sa bagyo nga nagresulta sa lapad nga pagbaha.
Misaka pa sa 6,506 pamilya kon 19,091 ka mga indibidwal ang internally displaced (IDPs), ug 17 na katawo ang samaran gumikan sa milabay’ng kalamidad.
Hinoon, sa paghubas sa baha, anaa na lamanf sa 26 ka pamilya kon 70 ka indibidwal ang padayong nagpasilong sa mga evacuation centers.
Sukad Oktobre 1, naapud na ang mga food ug non-food items sa mga biktima sa kalamidad, ilabe na sa Batan Island
Hangtud karon, wala pa gihapoy kutay sa sugang dagitab ang pipila bahin sa probinsya tungod sa pagkalangkat sa post epekto sa Signal No.4 nga huyop sa hangin ug ulan sa milabay’ng adlaw.
