Gipasabot ni Oro Response and Processing Center (ORPC) Head Cherikhawa Paña nga dili kultura sa mga Badjao ang pagpanglimos sa kadalanan. Sumala ni Paña, ilado ang mga Badjao nga adunay panginabuhian nga may kalabutan sa dagat, apan sa paglabay sa panahon, nausab kini tungod sa ilang pagtuo nga mas dali makakwarta sa pagpanglimos sa kadalanan. Butyag ni Paña, tungod sa paglaroy-laroy sa mga Badjao sa mga kadalanan, nahimo usab silang mga biktima sa exploitation ug uban pang risgo. Tungod niini, karong Pasko, giawhag sa buhatan sa ORPC ang mga gustong motabang o magdonar sa mga kabus sa dalan nga ihatag ang tabang pinaagi sa ilang kampanya nga “Magbigay sa Tamang Paraan, Huwag sa Daan,” aron malikayan ang mga insidente sa vehicular accidents ug uban pang peligro atol sa pagtabang sa mga bata ug pamilya nga naa sa kadalanan.
