CAGAYAN DE ORO CITY – Nakadagan nga walay bisan usa ka kagamitan nga dala ang daghang pamilya gikan sa nagkadaiyang lungsod sa Batangas padulong sa mas luwas nga lugar.
Kini tungod sa paspas nga pagbuto sa bulkan diin naghatag sa dakong peligro sa katawhan gumikan sa gibuga niini nga ‘lava’ ug ubang volcanic particles kagahapong adlawa.
Kini ang personal nga kasinatian sa inahan nga si Rowena De la Cruz sa San Nicolas,Batangas dihang subli mibuto ang maong bulkan gikan sa taas-taas nga panahon nga pagkalma niini.
Nabalaka si De la Cruz nga samtang magkadugay sila sa evacuation center,motakboy usab ang mga sakit tungod sa ilang sobra kadaghan.
