Gisaway ni Rep. San Fernando ang pagpangandam sa gobyerno alang sa ASEAN Summit Pilipinas, gipasiugda ang korapsyon imbes ang tinuod nga problema.

Gipasiugda ni Kamanggagawa Party-list Representative Eli San Fernando nga dili ang mga nagbutyag sa mga problema sa nasud ang nagdaot sa imahe sa Pilipinas, kondili ang mga kurakot nga politiko nga dugay nang nangawat sa mga mamumuo ug ordinaryong Pilipino.

Gisaway sa kongresista ang mga lakang sa gobyerno aron ipakita ang mas maayong dagway sa mga lugar nga agianan ug bisitahon sa mga delegado sa ika-49 nga ASEAN Summit, lakip ang pagtabon sa pipila ka dapit gamit ang plywood aron dili makita ang dili maayong kahimtang sa palibot.

Lakip usab sa mga gisaway ang mga operasyon sa pagpahawa o pagbalhin sa mga namaligya sa kadalanan ug mga tawong walay puy-anan, ingon man ang kalit nga pagpaayo sa mga kadalanan nga dugay nang napasagdan.

Gipasiugda usab ni San Fernando nga mensahero lamang siya sa mga problema ug kalisdanan nga adlaw-adlaw giatubang sa mga mamumuo ug ordinaryong Pilipino. (raniel mahunyag)