Nakurat ang konseho sa Santa Clara California sa pagsulod sa usa ka lalaki nga nga bestida sa BATMAN. Ang lalaki maoy tipik sa mga reklamante sa hiwi nga binuhatan sa US Immigration and Customs Enforcement o ICE Agents sa Minnesota. Sa gilusad nga council forum, gipalanog sa reklamante nga kinahanglan adunay mabuhat ang ilang syudad batok sa pag-abusar sa gahum ni US President Donald Trump. Iya usab gisaway ang laraw nga ipakatag ang ICE agents sa Super Bowl LX nga ipahigayon sa Levi’s Stadium. Misugyot ang reklamante nga kinahanglan ang ilang syudad dili angay mogamit sa bisan unsang rekurso aron suportahan ang ICE, kay adunay posibilidad nga mas agresibo nga ICE police ang imuntar sa ilang syudad.
