Giangkon na ni Sen Ronald ‘Bato’ de la Rosa nga mismo gikan sa iyang opisina ang resolusyon nga nagtinguha pagbasura sa hingpit sa impeachment complaint nga giatubang ni Vice Pres Sara Duterte sa senado.
Kini human unang miani sa nagkadaiyang panaghap kung matood ang maong resolusyon nga nagtumon sa maong katuyuan.
Namahayag si De la Rosa kinsa solido nga kaalyado ni VP Sara Duterte nga dili na kini moyayag pa’g dugang apan angay basahon na lang ang unod sa resolusyon nga gipatuyok niini ngadto sa mga kaubang mga senador.
Una niini,mismo sila si Sen Jinggoy Estrada ug Sen Joel Villanueva ang mikompirmar nga nakakita sila sa draft sa resolusyon apan wala nila angkona nga sila mipirma pabor sa hangyo ni De la Rosa.
Hisayrang nangugat ang mga pro-impeachment senators nga angay masugdan na pagtuki sa reklamo batok Sara kay nalangan na pag-ayo kini sukad nasang-at sa mga kongresista gikan sa kamarabaha.
