MANILA – Todo depensa si kanhi PNP chief ug karon Senador Ronald Bato dela Rosa sa rebelasyon ni Police Lt Col Jovie Espenido nga siya ang nagmando nga ilikidar ang tanan sakop sa pamilyang Parojinog sa Ozamiz City,Misamis Occidental.
Sa pag-atubang sa prensa, nangugat si Dela Rosa nga walay labot sa iyang order nga pamatyon ang mga tawong gi-akusaha’g drug lords sa maong syudad.
Gitin-aw ni dela Rosa nga marching order niya kang Espenido nga himoon ang tanan aron madakpan ang mag-amahan nga si Reynaldo ‘Aldong’ Parojinog Sr kuyog sa iyang anak nga babaye nga si alledge shabu queen nga si Nova Princess.
Mahinumduman nga sa tuig 2017, 16 ka tawo ang patay sa raid sulod sa balay sa mga Parojinog sa Ozamiz City.(Bombo Anne Quileste).
