Layo ra sa realidad! Mao kini nag komento ni Rauf Sissay gikan sa grupong Bagong Alyansang Makabayan (BAYAN) kalabot sa taho sa World Bank nga nasulod na ang Pilipinas sa upper-middle income status.
Gipasabot ni Sissay nga dili makatuo ang ilang grupo sa maong deklarasyon kay lahi ang kalisud nga nasinati sa masa sa ilang inadlaw-adlaw nga panginabuhi.
Dugang pa sa maong representante, kini nga klasipikasyon dili makapabusog sa mga Pilipino nga padayong nag-antos sa kalisud ug krisis sa ekonomiya.
Tungod niini, gikuwestiyon ni Sissay ang kredibilidad sa maong numero gikan sa World Bank kon itandi sa aktuwal nga kahimtang sa nasud.
