Dli suportado sa pundok sa Bagong Alyansang Makabayan (BAYAN) ang selective accountability nga gakahitabo sa impeachment trial karon sa nasud.
Sumala pa ni Rauf Sissay sa BAYAN, nahimong dili patas ang proseso tungod kay kampo lang sa mga Duterte ang gipunting alang sa imbestigasyon samtang gibasura ang susamang reklamo batok sa administrasyon ni Presidente Marcos.
Tungod niini, hugot nga nanawagan ang grupo nga kinahanglan nga ang duha ka kampo ang parehong manubag ug mainbestigahan aron mapakita ang tinuod nga hustisya.
Gikahadlokan matod pa sa pundok nga kining tanan bunga lamang sa taliabot nga 2028 presidential elections, diin nag-unhanay ang duha ka dagkong pwersa sa politika sa pagpangdaot aron matangtang ang ilang mga kaatbang.
