Hugot ang monitoring sa grupong Bayan Muna sa bicameral hearing sa General Appropriations Bill (GAB) 2026. Target sa ilang grupo nga bantayan ang susamang hitabo nga gibalhin ang pondo sa Philippine Health Insurance Corporation padulong sa National Treasury nga unod sa 2025 General Appropriations Act (GAA). Miingon si Atty. Kaloi Zarate nga daw na-ibtan siya sa tunok ug halos dili masabtan ang gibati, dihang mitingog sa Korte Suprema ang desisyon batok sa ilegal nga pagbalhin sa pondo sa PhilHealth padulong sa National Treasury. Mahinumduman nga gitratar sa Korte ang inisyatiba sa Marcos Administration nga ilegal subay sa mando sa Konstitusyon. Miingon si Zarate nga nadunggan sa Korte ang ilang saktong baruganan isip petisyoner sa pagpabalik sa salapi sa katawhan para sa medical nga serbisyo sa PhilHealth. Gitug-an pa niya sa Bombo Radyo nga tulo ka grupo ang naningkamot sa pagkuha’g balik sa 60 bilyon pesos nga pondo tungod kay kini ilegal ug unconstitutional
