Gikadismaya sa pundok sa Bagong Alyansang Makabayan (BAYAN) nga mag-usa na katuig karong Hulyo 28 human gibuhian ni Pangulong Marcos Jr. ang mga pulong nga mahiya naman kayo batok sa mga ahensiya ug mga opisyal nga nalambigit sa flood control scandal sa nasud, apan wala pa matod pay seryoso nga kalambuan ang imbestigasyon hangtod karon.
Sa interbyu sa Bombo Radyo, si Rauf Sissay gikan sa maong grupo miingon nga dakog kontribusyon ang korapsyon sa hinay ug atras-abante nga ekonomiya sa nasud nga nagpalisod sa kahimtang sa mga katawhang Pilipino.
Gipasabot ni Sissay nga ang pagkurakot sa budget para sa agrikultura, edukasyon, ug serbisyong panglawas maoy rason nganong napakyas ang nasud sa pagkab-ot sa tinuod nga pag-uswag.
Nunot niini, gipunto sa maong representante nga ang giingong status sa nasud isip upper middle income base sa World Bank dili makita sa tinuod nga lisod nga kinabuhi sa mga yanong Pilipino.
