Wala masabti sa Bagong Alyansang Makabayan (Bayan)–Southern Mindanao ang kampo ni Vice President Sarah Duterte sa padayong patutsada niini nga ang impeachment batok sa bise presidente usa lamang ka politikal nga lihok sa gobyerno aron mapahawa siya sa posisyon ug aron pugngan ang planong pagdagan sa 2028 presidential race.
Namahayag si Rauff Issay sa maong grupo nga bisan pa man nga adunay dula sa politika nga nahitabo, mas gihatagan nila og gibugaton ang isyu sa accountability sa mga alegasyon sa korapsyon sa nasud.
Gibutyag ni Issay nga kinahanglan mahatagan og katin-awan ang mga alegasyon nga giatubang sa bise presidente.
Dugang pa niya, kung tinood nga limpyo ug walay sala ang bise presidente, dapat mitunga na kini sa mga pagdungog nga nahitabo.
Apan amindong naglibog ang grupo tungod kay kaniadto miingon ang kampo ni sa bise nga motubag lamang sila sa insaktong venue, apan hangtod karon nagpabilin gihapon kining “no show” sa mga miaging pagdungog imbes gamiton ang maong higayon aron tubagon ang mga alegasyon batok kaniya.
