CAGAYAN DE ORO CITY – Dili balibaran kon dunay ensaktong kahigayunan apan pabiling prioridad sa bayaw ni Pres Bongbong Marcos nga si Atty. Joseph Donato Bernedo nga ipalambo pa ang mga serbisyo sulod sa Phividec Industrial Authority nga nakabase sa lungsod sa Tagoloan,Misamis Oriental.
Kini ang tubag ni Bernedo kabahin sa nahugon-hugon nga espekulasyon nga nagtinguha siya pagdagan pagka-mayor sa 2025 elections dinhi sa dakbayan.
Namahayag si Bernedo kinsa bana sa igsoong-babaye ni Pres Marcos nga nalipay kini sa posibilidad nga sila ang mag-uban ni kanhi City Mayor Oscar Moreno aron atbangan ang re-election ni incumbent City Mayor Rolando ‘Klarex’ Uy sa syudad.
Nabungat kini ni Bernedo dihang nangimbitar sila sa media aron ma-highlight ang ika-50 ka tuig nga anibersaryo sa Phividec kagahapong adlawa.
Hisayrang may kasaysayan na ang Phividec nga dunay midagan pagka-mayor nga administrador sa eleksyon pinaagi kang Jose Gabriel ‘Pompee’ La Viña batok kang Moreno ug Klarex sa magkalahing katuigan dinhi sa dakbayan.
