CAGAYAN DE ORO CITY – Dili na maka-obserbar sa pagbalaan sa semana santa apan kasub-anan ang motigbabaw ngadto sa pamilya sa babaye nga gipusil-patay diha sa Corrales Extension,Brgy 23 ning syudad kagabii.
Namahayag si Cagayan de Oro City Police Office o COCPO spokesperson Police Lt Col. Evan Viñas nga pasiunang giila ang pangalan sa biktima nga si Lenny Tangga, 37 anyos nga taga-Claveria,Misamis Oriental.
Nahiagom sa igo sa ulo ang biktima dihang gipusil sa wala mailang sa suspek gamit ang dili pa tino nga klase sa armas.
Gitahasan ni City Director Col. Salvador Radam ang ilang intelligence operatives nga paglusad sa follow up operation aron gilayon madakpan ug makasuhan ang mga tawo nga dunay kalambigitan sa maong kremin.
