CAGAYAN DE ORO CITY- Gikasuhan na sa kidnapping ug serious illegal detention ang bayot nga unang mikawat sa bag-ong himugso nga bata gikan sa inahan sa Brgy 19,Gingoog City.
Kini human unang nasikop ang suspek nga si Richard Bernades,20 anyos nga nagpuyo sa Brgy 16 sa maong syudad.
Gibutyag ni Police Lt Col Ariel Philip Pontillas,hepe sa Gingoog City Police Station nga motibo sa suspek pagkidnap sa bata nga aron dili siya biyaan sa gikaipon niini nga ka-relasyong estudyantang lalaki.
Namahayag si Pontillas nga dul-ag 72 oras ang pagpangita nila kang Bernades hangtod nga gipahatod niini ang bata sa buhatan sa kapolisan sa magtiayon ayha nasikop sa miaging gabii.
