Gi-paningkamotan ni Senegal Prime Minister Ousmane Sonko ang pagpasar sa balaod nga modoble sa silot sa pagka-priso alang sa mga buhat nga giisip nga dili natural, ilabi na ang same-sex practices.
Sumala ni Sonko, ang balaod mohaom sa tanang sekswal nga buhat tali sa duha ka tawo nga parehas ang gender, ug ang labing taas nga silot ipatuman kon kini mahitabo sa ubos sa edad nga 21-anyos.
Base sa maong balaod, ang mga masakpan mahimong silotan sa multa nga gikan sa 2 milyon hangtod 10 milyon CFA o katumbas sa P188,000 hangtod P940,000.
Ang maong draft law gi-aprobahan na sa Council of Ministers ug naghulat sa ratipikasyon sa national assembly, samtang niadtong miaging semana gisumbong usab sa gendarmerie ang 12-ka lalaki nga giakusahan sa “acts against nature” ug tinuyo nga pagpanalop sa Human immunodeficiency virus (HIV).
