CAGAYAN DE ORO CITY-Nag-atubang sa kasong murder ang armadong miembro sa Bantay Bayan human patya ang usa ka mag-uuma sa Brgy San Rafael, Talakag,Bukidnon.
Naila ang suspek nga si Jayvee Salicam, hingkod ang pangidaron ug taga-Brgy Dagundalahon sa maong lugar.
Segun sa nakakita,gi-atake sa suspek ang balay sa biktima nga nailang si Exzar Edajon, 33 anyos ug nagpuyo sa Brgy San Rafael pinaagi sa pagpusil.
Gilayong namatay ang biktima human gidul-it sa dughan sa suspek ang shotgun nga iyang gigamit pagpatay kang Edajon.
Pagdumot ug dugay na nga bikil ang usa sa mga hinungdan sa linoog nga insidente.
