Pulos pamulitika ang atake sa mga piniling opisyales ni Presidente Ferdinand Marcos Jr.
Reaksiyon kini ni Vice President Sara Duterte human gipadayag sa Ombudsman nga balikan ang iyang kaso sa confidental funds ug sa Pharmally scandal, panahon sa administrasyon sa iyang amahan nga si Kanhi Presidente Rodrigo Duterte.
Gibutyag ni VP Sara nga ang gobyerno wala’y laing buhat kundili ang pagdula sa politika ug pag-usik sa pondo sa nasud pinaagi sa korapsyon.
Una niini, gikuwestiyon ni Duterte kung nganong ang ubang kaso sa kurapsyon wala gilakip sa pag-imbestigar, ilabe na ang ubang ahensya sa gobyerno.
Mahinumduman nga sa unang adlaw sa pagtudlo ni Marcos kang Ombudsman Jesus Crispin Remulla gihagit dayon kini sa media kung susihon ba niya ang State of Assest, Liabilities and Networth (SALN) ni VP Sara aron makonektar kini sa kasong malversation of public funds nga unang gipasaka sa kongreso sa miaging tuig, kay gi-akusahan nga giwaldas ang 125 milyon pesos nga confidential funds, ug gibana-bana sa 73- milyon pesos ang ang gigasto sulod lang sa 11 ka adlaw, sa tuig 2022.
