MANILA – Dili tinood nga aduna na’y bag-ong ka-relasyong langyaw’g trato si actress Bea Alonzo.
Pagtin-aw kini sa aktres nunot sa mikatag nga intriga nga on-relationship na siya sa foreign blooded guy apan wala pa lang panganli atubangan sa publiko.
Miklaro si Bea kinsa kanhi kaslonon na unta kang actor Dominique Roque nga pabiling single siya sa pagkakaron.
Apan giangkon niini nga daghan nang mga lalaki ang nagpabati sa ilang interes aron siya magbaton sa bag-ong hinigugma.
Dugang ni Bea nga na enjoy pa niya ang pagsilbing single ug daghan pa usab siya’g prioridad nga angay hatagan sa pagtagad.
Apan gipasabot niini nga wala niya sirad-i ang iyang kasingkasing nga subli mahigugma dala sa panghinaut nga dili na mapornada sama sa gidangatan nila ni Roque.
Malipayon kaniadto nga gi-anunsyo ni Bea ug Dominic nga sila engaged na sa tuig 2023 apan gikompiormar usab nila nga wala na’y kasal ning tuiga kay nagbulag na sila niadtong Pebrero.
Dumduman nga ayha nag-abot si Dominic sa kinabuhi ni Bea, gika-relasyon una niini si actor Gerald Anderson.
Apan naglugwa ang isyu sa ‘ghosting’ tali Gerald ug Bea diin milugwa sa eksena si Julia Barretto.
