CAGAYAN DE ORO CITY, Philippines – Patay nang nadala sa hospital ang usa ka make-up artist human gi-atake sa kasing kasing samtang mihimo’g pagpaso sa runway, sa gilusad nga Breast Cancer Awareness Fashion Show, sulod sa dakung mall sa Barangay Lapasan ning syudad, kagahapon.
Ang biktima naila nga si Randy Santos, hingkod ang panuigon, ug residente sa Barangay Agusan ning dakbayan.
Base sa nagviral nga video, kalit nga natumba ang biktima sa entablado dihang padulong na kini sa backstage, human sa iyang pagpaso.
Wala pay komento ang mga organizers sa show sa hitabo.
Hisayran nga gitumong unta sa dugang social awareness batok breast cancer ang nasampit nga event apan wala nila damhan nga sila mamatyan sa usa sa ilang mga guest performer.
