CAGAYAN DE ORO CITY – Gisaway sa grupong Citizens Alliance for Water Service Action o CAWSA ang daw dili na tawhanon nga lakang nga gihimo sa Bantay Tubig Movement batok sa interim officials sa Cagayan de Oro Water District o COWD.
Kini human unang naglusad sa lihok-protesta ang grupo aron pugson nga ipapauli sa ilang mga lugar ang interim officials nga naglakip kang Fermin Jarales.
Wala kalikayi ni CAWSA convenor Atty Proculo Sarmen ang pagduda nga politikanhong interes ang nag-unang tumong sa maong rally nga gigamit ang katawhan.
‘It’s already below the belt.Lugar,tangtangon nila ang interim general manager nga naningkamot tawon pagsulbad. Basin wala ta kahibawo nga they are after the funding.’
Siya miingon nga kabahin kini sa saksi kon giunsa pagpaningkamot sa interim officials nga masulbad ang 50 ka tuig nang problemang giatubang sa COWD.
Sa pikas bahin,gi-respeto ni Jarales ang nagkakusog nga panawagan pinaagi sa paghimo’g rally sa grupo.
Kini ilabina nga apil sa ilang singgit nga wagtangon ang kontratang nagtugot sa matag tulo ka tuig nga increase sa singil sa tubig.
‘Kini man gyung ilang gipangayo nga recession sa contract naay proseso nga agian.That cannot be fininsh on two weeks time. Infact, ang dispute resolution wouild give us two weeks aron makahatag sa definitive stand. Ang atong gitan-aw karon the legal part of it is already done.’
Gibutyag ni Jarales nga lakip kini sa ilang iduso nga rekomendasyon ngadto sa LWUA ug sa presidente.
Naghinaut si Jarales nga makakuhag pirmet ang mga nagrally ug dili makasamok sa mga katawhan nga may transaksyon sa ilang buhatan sama sa mga kosumante nga gabayad.
